रात्रीस पाहतांना, लावण्य चांदण्याचे
वा-यास बंध आहे, शालीन वागण्याचे
लाली अशी मनी ही, का दाटते उषेच्या
माझे मला कळेना, संगीत लाजण्याचे..
झंकारल्या मनाच्या, कंपीत या सुरांना
सांगू कसे बहाणे, आरोह टाळण्याचे
जडशीळ पापण्यांना, आसू असे सहारा
आर्जव हे तयांना, डोळ्यांत थांबण्याचे..
अंधार दाटतांना, ओल्याच भावनांना
देऊन गीत आले, हासून साहण्याचे
विश्रब्धसा किनारा, हा स्तब्धसा नजारा
प्रारब्ध पावलांचे, आजन्म चालण्याचे
संध्या